Pinstriping als Handwärch

S Handwärch wird vom Pinstriper (dt.: Liniirer) uusgüebt, wo d Pinstripes mittels e-m-e spezielle Pinsl, em sogenannte Schwärtschlapper, fräi Hand ufbringt. D verwändeti Farb isch zumeischt Chunschtharzlack vo däne spezialisierte Undernehme u.a. OneShot oder House of Kolor. De bekanntischt Härschtäller vo Schwärtschlapper isch s amerikanisch Undernehme Mack, wo au e grossi Pinstriping**-Galerie underhaltet. Es alternatiivs Wärkzüüg isch s Beuglerrad, mit däm d Farb über es chliis Rad ufgrullet wird. Bis öppe Mitti de 1950er Jahr händ viel Fahrzüüghärschtäller fäschtaagschtällti Bruäfsliniirer (öfters Fruehne) bschäftiget; de hät Linierig allgemäin unpopulär aagfange z wärde – üsser bi Velo, döt hät s sich deilwiis bis i di früehe 1990er Jahr ghalte. Hützudags wärded Ziärliniie ab Wärch als Chläbband appliziert.

S Handwärch wird vom Pinstriper (dt.: Liniirer) uusgüebt, wo d Pinstripes mittels e-m-e spezielle Pinsl, em sogenannte Schwärtschlapper, fräi Hand ufbringt. D verwändeti Farb isch zumeischt Chunschtharzlack vo däne spezialisierte Undernehme u.a. OneShot oder House of Kolor. De bekanntischt Härschtäller vo Schwärtschlapper isch s amerikanisch Undernehme Mack, wo au e grossi Pinstriping**-Galerie underhaltet. Es alternatiivs Wärkzüüg isch s Beuglerrad, mit däm d Farb über es chliis Rad ufgrullet wird. Bis öppe Mitti de 1950er Jahr händ viel Fahrzüüghärschtäller fäschtaagschtällti Bruäfsliniirer (öfters Fruehne) bschäftiget; de hät Linierig allgemäin unpopulär aagfange z wärde – üsser bi Velo, döt hät s sich deilwiis bis i di früehe 1990er Jahr ghalte. Hützudags wärded Ziärliniie ab Wärch als Chläbband appliziert.

Pinstriping als Chunschtform

Pinstriping isch e Suuderform vom Custompainting und ghört zu de grossi Familii vo de i de USA als Lowbrow Art bizaichnete Chunschtforme. Si Ursprung hät s vornehmli i de um 1940 entstange Hot Rod- und Custom-Car-Szene, wo als die einzig proletaarisch Chunschtform sit de Buuremaaleräi gilt. E Underart vo dere Chunschtform isch die sogenannt "Nose-Art", di Bemalige uf Flugzüüg ab em 2. Wäutchriäg. Wiiteri Iiflüss vo de Lowbrow Art sind Folklore us Mäxiko – hie bsunders de Daag vo de Tote, Lucha-Libre-Wräschtling und chrischtlich-religiösi Motive –, Ozeanie (Tikis), amerikanischi Trivialmythe, traditiionelli abendländischi Tättowierige und Comics. Wüu d Lowbrow Art bis uf weni Uusnahme (z. B. Rat Rods) stäts handwärchlichi Perfektiion verlangt, wird en Pinstriper nöd nume nach Originalität sinere Motive, sondern au und grad nach Uusfüehrig beurteilt. Zur Ziit git s i de USA öppe hundert Bruäfsschtriper und e Vilzahl vo Amateure. Di zwäitgrössdi Pinstriping**-Natiion isch Finnland mit öppe 200 Uusgüebende. A drätter Schtelle folgt Grossbritannie. Pinstriper träffed sich gägeglii zue – öfters nödöffäntliche – Panel Jams, wo me, im Gägesatz zu de Car Shows, Täfelbilder (Panel) und gschtrippti Objäkt zaigt und aafertiget. Öfters schaffed däbi mehreri Schtriper zäme a-m-em Panel i Jam-Sessions.

Gschicht vom Pinstriping

Linierig isch eini vo de ältschte Chunschthändwärch. Scho di alte Römer händ ihri Schtriitwäge mit Ziärliniie dekorieret. Bis zur Mitti vom lätste Jarhundert hät s sich jedoch praktiisch überhaupt nöd wiiterentwigglet. Di Liniie sind wie scho sit Äone immer brav de Kontuur vom Objäkt, wo s umgä hät, gfolgt, vom Buechdäcku bis zum Velo-Raame. De, öppe 1953, sind i Süüdkalifornie uf eimau sältsemi, bizaari Liniigwirr uf de umb-uute Autos vo junge Maa uftaucht. Zerschd nume uf de Händschuechfächdäckel, gwachsä sind s zwäi Jahr schpöter um d Chüehlergrill, hinter d Raadlääf, über Chofferdäcku, C-Süüle und Türfalle. Freestyle Pinstriping isch gebore worde. D Erfindig vom Fräischtil-Liniere wird im Allgemäine Von Dutch (Kenneth Howard, 1929–1992) zuegschribe. Tommy the Greek (Tommy Hrones, 1906–2002) isch de Vorchäpfer vo Von Dutch gsi, b-rüehmt für sini Meischterschaft und sini Teardrops. Sini Schtrippings sind jedoch bi aller Chompliziertheit chlassisch blibe und händ nüt vo de bizarre Häktik vo Von Dutchen gha. Die zwäi und Ed Roth (1932–2001), wo als Pinstriper aagfange hät und s schpöter mit sine faarende Skuuptuure zu unschterblichem Ruehm i de Custom-Autowäut bracht hät, sind di bekanntischte Pinstriper vo däm erschde goldige Ziitalter gsi. Vo öppe 1965 bis 1985 isch de s Inträsse am Pinstriping fasch erlösche gsi. D Custom-Car-Wäuä isch mit de Aachunft vo de Beatles dur d Popwäuä abglööst worde. (Roth: Guys wuz buyin´ guitars instead of cars). Materiälli Bsitz wie-n-es chünschtlich aagfertigets Custom Car isch under de ufchommende Ideäl vo de Hippies abgsäit gsi, isch als uncool gulte. I de 1970er Jahr sind verschideni nöi Customschtiil entstange – Vans, Pro Street, Lowrider, Offroader, Billet – wo entweder völlig schmucklos gsi sind oder mit Airbrush, öfters i Mural (Wandgmäld)-Form verziert. Airbrush hät aagfange, sich als beherrschendi Dekoratiounsform uf Autobläch durzsetze, und bis hüt hät s die Positiion ii. Bi de räin abschtrakte Motive gsellti sich um 1990 e-n-er Art zue, wo em Pinstriping ähnlet: s Tribal. Es wird allerdings fasch nie gmaalt, sondern nume uufgchläbt, gdrüggt oder tättowiert. I de Formäschpraach a d Chunscht vo verschidene Naturvölker – hauptsächlich de Māori und de Chälte – aaglähnt, findt s sich bis hüt uf Autos, uf de Ärm vo ihre Fahrer und über em Hinterteil (Arschgwiih). I de früehe 1990er Jahr hät me jedoch aagfange, di früehe Customschtiil wiiderzuentdäcke. Die Lüüt – öfters sowiiso Retro-bigeischterti Rockabillys – händ ihri alte Autos nümme i glänzende Paschtell- oder Neontön gsüärzt, sondern i matter Grundierig, und schtatt Hi-Tech-Billet-Aab-uuteil isch Wärt uf authentischs, alts Zuebehör glegt worde: SV-Motore, Schtaahlfälge, Cheater Slicks. So isch au s Pinstriping wiider populär worde.

Schtil vom Pinstriping

Freestyle Pinstriping

Gwöhnlich, aber uf chä Fall zwingend, isch es sölchs Pinstriping symmätriisch und bschtahd us ere Vilzahl vo gliich dünne Liinie vo einere oder mehrere Farbe, wo es meischt abschtraktes, ornamäntthaftes Motiv us Paralelle, Spitzä, Winkel und Böge eräbed.

E Underart vom Pinstriping isch s sogenannt "Scrollwork", wo sich üssschliesslich i chünschtvolle Schnörchle ergoht. Mischforme underenand und au mit Airbrush-Motive sind ebenfalls bikannt.

Zrugg